Appostolat tat-Talb

Ġenerali: Ħalli ż-żgħażaġħ jitgħallmu jħaddmu l-mezzi moderni tal-komunikazzjoni għall-ġid tagħhom personali u biex ’il quddiem jaqdu aħjar lis-soċjetà.

Missjoni: Biex kull min jemmen fi Kristu jifhem li l-Vanġelu jitħabbar aħjar meta jkun hemm l-għaqda bejn l-insara.

Ġenerali: Għall-istudjużi u l-intellettwali biex fit-tfittxija sinċiera tal-verità jaslu jagħrfu ’l Alla veru.

Missjoni: Biex il-Knisja tagħraf l-identità missjunarja tagħha u twassal l-Aħbar it-Tajba ta’ Kristu lill-bnedmin kollha.

Ġenerali: Biex l-ekonomija mondjali titħaddem b’ġustizzja u twieġeb għall-bżonnijiet veri tan-nies, l-aktar tal-fqar.

Missjoni: Biex il-Knejjes fl-Afrika jagħtu xhieda ta’ rikonċiljazzjoni u ġustizzja f’kull rokna ta’ dan il-kontinent.

Ġenerali: Biex il-fundamentaliżmu u l-estremiżmu jitrażżan bir-rispett kontinwu, bit-tolleranza u bid-djalogu.

Missjoni: Biex l-insara ppersegwitati jżommu sħiħ fix-xhieda li jagħtu tal-imħabba ta’ Alla.